Xiaomi 13 flagman smartfonunyň ilkinji görkezilişi 1-nji dekabrda geçmelidi, emma ony Hytaýyň kompartiýasynyň öňki baş sekretary Szýan Szeminiň aradan çykmagy bilen bagly näbelli möhlete süýşürilipdi. Häzirki wagtda gurluşyň öňümizdäki ýekşenbede, 11-nji dekabrda görkeziljekdigi mälim boldy diýip, Gizmochina habar berýär.
Xiaomi 13 we Xiaomi 13 Pro flagman smartfonlary düýbünden täze Snapdragon 8 Gen 2 prosessoryna, 2K razreşeniýeli 6,2 dýumlyk ekrara we barmak yzlaryny ultrases arkaly skanirleýjä, şeýle hem 50 Mp üçin esasy Sony kamera eýe bolar.
Gurluşyň bahasy heniz belli däl, ýöne täze telefonuň daşynda uly gyzgalaňyň gidýändigi habar berilýär. Hytaýda Xiaomi-niň muşdaklarynyň aglabasy eýýäm, 999 ýuan (takmynan 142 $) depozit bilen, entek tanyşdyrylmadyk smartfon üçin deslapky sargytlary resmileşdirýärler.
Täze smartfon bilen birlikde, ýörite çäräniň çäklerinde, Xiaomi-niň beýleki gajetleri, şol sanda simsiz Buds 4 TWS-gulaklyklary we Xiaomi Watch S2 «akylly» sagatlar hem debýut edilmeli.
Bulardan başga-da, hytaý kompaniýasy täze MIUI 14 proşiwkasyny hem hödürlär.
