Futbol boýunça dünýä çempionatynyň 1/4 final tapgyrynyň Braziliýa bilen Horwatiýanyň arasyndaky duşuşygy tamamlandy. El-Raýanda geçen oýun horwatiýalylaryň duşuşykdan soňky 11 metrlik urgular boýunça ýeňşi bilen tamamlandy.
Duşuşygyň esasy wagtynda toparlar hasaby açyp bilmediler. Goşmaça wagtda Braziliýanyň hüjümçisi Neýmar oýnuň ilkinji goluny geçirdi. Oýnuň ahyrynda bolsa Horwatiýadan Bruno Petkowiç hasaby deňläp, oýundan soňky 11 metrlik urgulara geçirdi. Netijede Horwatiýanyň futbolçylary güýçli geldiler.
Şeýlelikde, horwatiýaly futbolçylar ýarym finalda Argentina-Niderlandlar duşuşygynyň ýeňijisi bilen duşuşarlar.
