Şweýsariýanyň içeri işler ministri, hökümetde Sosial-demiokratik partiýa (SDPŞ) wekilçilik edýän Alen Berse 2023-nji ýyl üçin ýurduň prezidenti saýlandy. Saýlawlar çarşenbe güni Federal ýygnagyň (parlamentiň) iki palatasynyň bilelikdäki mejlisinde geçiririldi. Ses berlişigiň gidişini parlamentiň onlaýn metbugat gullugy beýan etdi.
Berse prezidentiň ygtyýarlyklaryny 12 aýyň dowamynda öz ministrlikdäki borçlary bilen bir wagtda ýerine ýetirer. Ol 2023-nji ýylyň 1-nji ýanwaryndan wezipesini ýerine ýetirmeklige girişer.
Berse 1972-nji ýylyň 9-njy aprelinde Şweýsariýanyň demirgazygynda Fribur kantonynda doguldy. Ykdysady ylymlaryň doktory we politologiýanyň magistri alymlyk derejeleri bar. 2012-nji ýyldan bäri içeri işler ministrligine (federal departamente) ýolbaşçylyk etmek bilen hökümetiň düzüminde işleýär, hususanam, onuň garamagyna sosial üpjünçilik, saglygy goraýyş we medeniýet girýär. 2018-nji ýylyň dowamynda hem Berse prezidentiň wezipesinde işläp görüpdi we ol bu wezipä täzeden syýasy terjimehalynda ikinji gezek saýlandy.
