Moskwada wise-premýerler Raşid Meredowyň we Alekseý Owerçugyň ýolbaşçylygynda Ykdysady hyzatdaşlyk boýunça Hökümetara Türkmen-russiýa toparynyň XII mejlisi geçirildi. Oňa gatnaşyjylar ikitaraplaýyn söwda-ykdysady hyzmatdaşlygynyň häzirki ýagdaýyna we geljegine garadylar.
«Gepleşikler dürli ugurlarda özara gatnaşyklary giňeltmäge, täze ugurlara çykmaga özara gyzyklanmany tassyklady» — diýlip, Türkmenistanyň daşary syýasat edarasynyň saýtynda habar berilýär.
Ýangyç-energetika, ulag, senagat, oba hojalygy, gurluşyk, saglygy goraýyş hyzmatdaşlygyň ileri tutulýan ugurlarynyň hatarynda görkezildi.
Türkmen wekiliýetiniň RF iki günlük saparynyň netijeleri boýunça 15 sany ikitaraplaýyn resminama, şol sanda Türkmenistanyň we Russiýa Federasiýasynyň Daşary işler ministrlikleriniň arasynda 2023-2024-nji ýyllar üçin hyzmatdaşlyk Maksatnamasyna gol çekildi.
