Amerikanyň sürüjisiz Orion synag arş gämisi awtonom režimde pes beýiklikden ikinji gezek Aýyň daşyna aýlanyp çykansoň, Ýere tarap ugur aldy diýip, NASA habar berýär.
Ol Aýyň üstüne aňrybaş golaýlanda aralyk 129 km boldy.
ABŞ-nyň Gündogar kenarýaka wagty boýunça sagat 11:43-de (21:43 aşg) Ýere tarap uçuşyň traýektoriýasyna çykmak üçin gämide marş hereketlendirijisi işe girizildi. Hereketlendiriji öz wagtynda, meýilleşdirilen 3 minut 27 sekundyň dowamynda işledi. Şondan soň gämi Ýeriň tebigy hemrasyndan daşlaşyp ugrady.
1-nji dekabrda Orion Aýyň daşyndaky uzak retrograd orbitasy bilen galtaşmak boýunça üstünlikli manýowry amala aşyrdy. Şol wagt Aýyň üstüne çenli aralyk 85 müň kilometr töweregi boldy.
Gäminiň şol orbitada bolmagy apparatyň mümkinçiliklerine baha bermäge we Ýerden uly aralykda onuň ulgamlaryny synag edip görmäge mümkinçilik berdi.
11-nji dekabrda Orion Kaliforniýanyň kenarlaryna Ýuwaş ummanynyň suwuna gonmaly.
Onuň bortunda geljekki ekipaža uçuşyň şertleriniň ýetirýän täsirini ölçemeli datçikli manekenler bar.
