Şu gün, 8-nji dekabrda irden Aý Marsyň öňüni tutar we bu dolan Aý hem-de Gyzyl planetanyň garşyda durmagy bilen gabat geler. Bu barada çarşenbe güni Moskwanyň planetariýasynyň metbugat gullugy TASS-a habar berdi.
Dolan Aý Mars garşyda duran wagty — Ýer hem Mars Gün bilen bir setire düzülende astronomlar ony şeýle atlandyrýarlar, şonda Mars we Gün biri-biriniň garşysynda (biziň planetamyz ortada) durýar — onuň öňüni doly tutar. Mars 8-nji dekabrda aşgabat wagty bilen 10:35-de, Ýerden 82,2 mln km uzaklykda bolmak bilen, şol nokatda ýerleşer.
«Üç hadysanyň üçüsi hem irden, bir wagtda diýen ýaly — aşgabat wagty bilen sagat 9:00-dan 11:00-çenli aralykda bolup geçer. <... > Aý dolan görnüşde, Marsyň göze görünýän ölçegleri we ýagtysy bolsa — iki ýyllyk döwür üçin maksimal bolar, bu syn etmek üçin şertleri aňrybaş oňaýly eder» — diýip, planetariýanyň metbugat gullugynda habar berdiler, şol wagt Aý bilen Marsyň Öküzçe ýyldyzlar toplumynda boljakdygyny takykladylar.
Marsyň garşyda durmasy takmynan her iki ýyldan bolup geçýär. Eger Mars biziň planetamyza maksimal golaý gelse (60 mln km-den bärde), onda munuň ýaly garşyda durma beýik diýip atlandyrylýar — beýle ýagdaýlar her 15 ýa-da 17 ýyldan gaýtalanýar.
