Beýik Britaniýada Garri Potteriň keşbi bilen dört sany ýubileý teňňe çykaryldy. Bu barada Daily Mail habar berýär diýip, novosti.kg belleýär.
Baş gahrymandan başga-da, “Hogwarts-Ekspress” otlusy, professsor Dambldor we Jadygöýlik mekdebi hem şekillendirilýär. Teňňeleriň arka tarapynda Ýelizaweta II-niň keşbi bar, ýöne indiki ýyldan ol patyşa Karl III-niň keşbi bilen çalşyrylar.
Patyşalyk zikgehanasynyň kolleksionerler bilen işleşmek boýunça müdiri Rebekka Morgan bu ýygynda isleg bildiren köp bolar diýip hasaplaýar. Sebäbi bu teňňe merhum şa aýalynyň portreti şekillendirilen iň soňky teňňe bolar.
Teňňeleriň bahasy metala we nominala baglylykda 11 – 5 müň ýewro aralygynda bolar.
Bu ýygyndy “Garri Potter we filosofiýa daşy” kitabynyň ilkinji neşiriniň 25 ýyllygyna bagyşlanýar.
