OPEK+ ministrleri nebit çykarmagyň häzirki çäklendirmesini saklap galmagy karar etdiler diýip, bileleşigiň metbugat relizinde aýdylýar.
OPEK+ ministrleriniň gözegçilik komitetiniň indiki duşuşygyny 1-nji fewralda geçirmek bellendi, 3-nji iýunda OPEK-iň nobatdaky maslahaty bolar, OPEK+ ministrleriniň doly formatdaky duşuşygyny bolsa 4-nji iýunda geçirmek meýilleşdirilýär diýip, Interfaks çeşmelerine salgylanyp habar berýär.
Metbugat beýanynda OPEK+ ministrleriniň indiki duşuşygynyň diňe senesi - 4-nji iýuldadygy habar berilýär, şeýle-de, zerur bolanda, olaryň islendik wagt duşuşmaga taýýardyklary nygtalýar.
Habara görä, nebit çykarmakda noýabrdan başlap çäklendirmäniňň gije-gündiziň dowamynda 2 mln barrele çenli azaldylmagy hakynda 2022-nji ýylyň 5-nji noýabrynda kabul edilen karar "bazaryň gatnaşyjylary tarapyndan retrospektiw zerur diýip ykrar edildi we dünýäniň nebit bazarlaryny durnuklaşdyrmak babatyndaky hereketleriň dogry ugry diýip hasaplandy".
