Counterpoint Research gözleg kompaniýasynyň hasabatyna görä, Apple Inc. amerikan kompaniýasy oktýabr aýynda iPhone 14 seriýasynyň güýçli satuwy netijesinde Hytaýyň smartfon bazarynyň 25%-ini eýeledi. Bu barada interfax.ru habar berýär.
Hytaýda bellenilen aýda iň köp satylýan smartfon sentýabr aýynda bazara çykan iPhone 14 Pro Max boldy. Ikinji orny ykjam iPhone 14 Pro eýeledi.
Bu maglumatlar hytaýly sarp edijileriň adaty iPhone 14 bilen deňeşdirilende funksionaly giňeldilen smartfonlary almak üçin köp pul tölemäge taýýardygyny delillendirýär.
Şol bir wagtyň özünde Hytaýda smartfon satuwy oktýabr aýynda ýyllyk aňlatmasynda 15% pese gaçdy. Apple 4% pese gaçyşy hasaba aldy.
