ABŞ-da geçen «Görkez we gürrüň ber» atly çärede Ilon Mask Neuralink kompaniýasynyň öňümizdäki alty aýyň içinde öz çipini adamyň kellesine implantasiýa edip biljekdigini habar berdi.
Çärede Mask kompaniýanyň adamlarda kliniki synag geçirmek üçin zerur bolan resminamalaryň bir toparyny ABŞ-da lukmançylyk gurallarynyň bazarynda düzgünleşdiriji bolup çykyş edýän Azyk önümleriniň we derman serişdeleriniň hiline arassaçylyk gözegçiligi boýunça müdirlige (U.S. Food and Drug Administration, FDA) hödürländigini aýtdy.
Neuralink-iň maksady — beýnä implantasiýa edip bolýan gurluşy döretmek we ony beýni işjeňliginiň kömegi bilen kompýuteri ýa-da telefony dolandyrmakda ulanmak.
2019-njy ýylda Neuralink öz çiplerini maýmynlarda synag edip gördi, 2020-nji ýylda gurluşy doňuzlara implantasiýa etdi, geçen ýyl bolsa Neurolink maýmynyň oňat ornaşan çipiň kömegi bilen ýönekeýje Pong oýnuny oýnaýşynyň wideosyny görkezdi.
Bu ýyl ýene maýmynly wideo görkezildi: wideogörkezilişde olaryň biri öz implantyny ulanyp hem-de ünsüni görkezilen sözlerde we jümlelerde jemläp, "Görkezmek we gürrüň bermek üçin hoş geldiňiz" diýen jümläni "çap etmegi" başardy.
