YouTube 2022-nji ýylyň iň meşhur rolikleriniň sanawyny çap etdi. Reýtingde birinji ýeri Technoblade-niň rak keselinden ýogalan wideoblogeriniň wideoýüzlenmesi eýeledi.
Minecraft kompýuter oýnunda strimleri bilen meşhur bloger 30-njy iýunda ýogaldy. Technoblade-niň ýüzlenmesini onuň kakasy okady.
"Siz muny görýän bolsaňyz, men bu dünýäde ýok. Eger meniň ýene 100 ömrüm bolsady, onda olaryň her birinde men ýene Technoblade-de bolardym" - diýip, strimer ýazdy. Wideo 87 million gezek tomaşa edildi.
Ikinji ýeri öz aýaly dogrusyndaky şowsuz degişmesi üçin Uill Smitiň Kris Poka şarpyk çalşy bilen bagly "Oskar"-yň dabarasyndan alnan wideo eýeleýär. Üçünji ýer Dream lakamy bilen belli Minecraft-strimeriň roliginiňki boldy, ol şu ýyl şahsyýetiniň perdesini syryp, birinji gezek ýüzüni köpçülige görkezdi.
