Ýer ýüzüniň janköýerleriň ählisi ynjalyp bilerler — ady rowata öwrülen braziliýaly futbolçy Peleniň ýagdaýy kanagatlanarly, futbolyň şasy hassahana ýerleşmeginiň meýilnamalaýyn häsiýete eýedigini aýdyp, bu barada sosial torlarda onuň özi ýazdy. Şonuň bilen birlikde, türgen öz saglygy dogrusynda biynjalyk bolýan adamlara öz minnetdarlygyny bildirdi diýip, "MIR 24" habar berýär.
Iki gün mundan öň habar beriş serişdeleri Peleniň köp sanly çişler we ýürek ýetmezçiligi sebäpli San-Pauludaky hususy hassahana örän agyr ýagdaýda düşendigini habar beripdi. Henizem reanimasiýa bölümine düşmek gerek bolmady diýip lukmanlar aýtdylar. Bir ýyl mundan öň braziliýaly türgeniň ýogyn içegesinden operasiýa arkaly çiş aýryldy. Birnäçe aý geçenden soň bolsa içegesinde, bagrynda, şeýle-de öýkeninde başlangyç derejedäki çişleriň bardygy ýüze çykaryldy. Soňky wagtlarda 82 ýaşly braziliýaly türgen himioterapiýa kursuny geçýärdi.
Pele XX asyryň iň gowy futbolçysy hasaplanýar, ol dünýäniň üç gezek çempiony bolan ýeke-täk adam. Futbolçy öz karýerasynda 1 279 gezek gol geçirdi. Hatda Braziliýada Peleniň güni baýramy hem bar, ol 19-njy noýabrda bellenilýär.
