Gawai adalarynda soňky 38 ýylda ilkinji gezek dünýäniň iň uly hereket edýän wulkany — Mauna-Loa atylyp başlady. ABŞ-nyň Geologiýa gullugy (USGS) adalaryň ýaşaýjylaryna wulkanyň atylmagy bilen bagly ýagdaýyň örän çalt üýtgäp biljekdigini duýdurdy. Bu barada Anadolu agentligi habar berýär.
Ştatyň häkimiýetleri ýaşaýjylaryň ewakuasiýa we “lawa akymynyň ugry üýtgän ýagdaýynda iň ýaramaz hadysa” taýýar bolmalydygyny aýtdylar.
Gawaileriň wulkan obserwatoriýasynyň wekili wulkan atylandan soň ýerasty titremeleriň hem bolandygyny habar berýär.
Saglygy goraýyş departamentiniň maglumatlaryna görä, Gawai adalarynda howanyň hili gözegçilikde saklanýar we häzirki wagtda kadaly hasaplanýar.
