Katarda geçirilýän futbol boýunça dünýä çempionatynyň toparlaýyn tapgyrynyň ikinji duşuşygynda Polşanyň futbolçylary Saud Arabystanyny 2:0 hasap bilen ýeňdiler.
Er-Raýanda geçirilen duşuşygyň 39-njy minudynda Petr Zelinskiý, 82-nji minudynda Robert Lewandowski gol geçirdi.
45+1-nji minutda Saud Arabystanynyň futbolçylary 11 metrlik jerime urgusynyň dürs ýerine ýetirip bilmediler.
Polşa 4 utuk bilen С toparynyň başyny çekýär. Saud Arabystanyň birinji tapgyrda Argentinany ýeňeni sebäpli, 3 utuk bilen ikinji orunda ýerleşdi.
Üçünji orunda Meksika (1 utuk), dördünji orunda bolsa — Argentina (0 utuk) ýerleşdi. Şu gün 00:00-da ikinji tapgyryň çäklerinde Argentina — Meksika duşuşygy bolar.
