Gyrgyzystanlylar üçin pasport, sürüjilik şahadatnamasy, awtoulag serişdesini hasaba alyş şahadatnamasy (tehpasport) ýaly resminamalar indi “Tunduk” döwlet hyzmatlary mobil goşundysynda elýeterli bolar. Bu barada MIR24 habar berýär.
“Men bu resminamany tassyklap ýa-da görüp bilerin, muňa garamazdan, ony hiç bir kişä iberip ýa-da geçirip bilmerin. Resminama goragly bolar, ýagny QR kod arkaly öz resminamasyny iberen raýatyň onuň başga ýere düşüp bilmejekdigine ynamy bolar” diýip, “Tunduk” döwlet kärhanasynyň direktory Çyngyz Amanatow düşündirýär.
Resminamanyň sanly görnüşi onuň asyl nusgasy ýaly güýje eýe bolar. Goşundydan peýdalanmak üçin raýatlara hyzmat ediş merkezleriniň islendiginden bulutlaýyn elektron abuna almak hem-de goşundyny öz smartfonyna ýüklemek gerek bolar. Döwlet işgärleri resminamanyň hakykylygyny planşetleriň kömegi bilen QR kod arkaly barlap bilerler.
Gyrgystanlylar bu hyzmatdan ýene bir aýdan peýdalanmaga başlarlar. Şonda elektron resminamalary ykrar etmek hakynda Kanun resmi taýdan güýje girer.
