«Formula-1-iň» häzirki çempiony, “Red Bull” toparyndan Maks Werstappen topar bilen häzirki şertnamanyň möhleti tamamlanandan soň çempionaty terk edip biljekdigini aýtdy. Mart aýynda Werstappen “Red Bull” bilen şertnamasyny 2028-nji ýylyň ahyryna çenli uzaltdy. Ol häzir 25 ýaşynda diýip, rsport.ria.ru belleýär.
“Ähtimal, meniň geljek kararym 2028-nji ýylda bäsdeşlige näderejede ukyply boljakdygymyza bagly bolar. Meniň heniz wagtym bar. Men häzir düýpli karara gelmek islämok” – diýip, “Sky Sports” Werstappeniň sözlerini getirýär.
“Men başga işler bilen meşgullanmak isleýärin. “Formula-1” ajaýyp, men köp zat gazandym we örän bagtly, men muňa buýsanýaryn, ýöne bu ýaryşlar diýseň köp. Ahyrynda bolsa nämäniň möhümdigi barada karara gelmeli bolýar: maşgalamy ýa-da “Formula-1”” – diýip, türgen sözüniň üstüni ýetirýär.
Ýatlap geçsek, ýekşenbe güni Werstappen Abu-Dabiniň Gran-prisinde ýeňiji bolup, karýerasynda 35-nji we möwsümde 15-nji ýeňşini gazandy. Ol heniz oktýabr aýynda Ýaponiýanyň Gran-prisiniň netijesinde özi üçin bassyr ikinji çempion titulyny üpjün edipdi.
