Gazagystanyň häzirki prezidenti Kasym-Žomart Tokaýew saýlawçylaryň 81,31% sesini alyp, döwlet baştutanynyň 20-nji noýabrda geçen saýlawlarynda ýeňiş gazanýar diýip, duşenbe güni ýurduň Merkezi saýlaw toparynyň başlygy Nurlan Abdirow saýlawlaryň deslapky jemi jemlenende habar berdi.
"Tokaýew Kasym-Žomart Kemelowiç sesleriň 6 456 392 sanysyny ýa-da 81,31%-ni toplady." - diýip, Abdirow Merkezi saýlaw toparynyň mejlisinde aýtdy.
Gazagystanyň prezidentiniň nobatdan daşary saýlawlaryna, Merkezi saýlaw toparynyň takyklanan maglumatlary boýunça,saýlawçylaryň 69,44%-i geldi diýip, Merkezi saýlaw toparynyň başlygy habar berdi. Şunlukda, saýlaw hukugy bolan raýatlaryň 11 mln 953 müň sanysyndan 8 300 046-sy ses berdi.
