Donald Tramp 2024-nji ýylyň prezident saýlawlaryna gatnaşar

  • 16.11.2022 23:05
  • 14k+
Donald Tramp 2024-nji ýylyň prezident saýlawlaryna gatnaşar

ABŞ-nyň öňki prezidenti Donald Tramp 2024-nji ýylda geçiriljek prezident saýlawlaryna ýene dalaşgärligini hödürlejekdigini aýtdy. Bu barada TASS habar berýär.

“Şu gün men Birleşen Ştatlaryň prezident wezipesine dalaşgärligimi hödürleýändigimi mälim edýärin” – diýmek bilen, ol Florida ştatynda öz tarapdarlaryna ýüzlendi.

Tramp “Amerikany ýene-de beýik we öňdebaryjy etmek” üçin şeýle karara gelendigini sözüniň üstüne goşdy. “Men siziň ses bermegiňizi, goldaw bermegiňizi, dost bolup, dileg etmegiňizi haýyş edýärin. Bu örän täsin, ýöne howply başdan geçirme bolar” – diýip, Tramp belledi.
Belläp geçsek, çykyşyň öňüsyrasynda ABŞ-nyň Federal saýlaw komissiýasynyň saýtynda Trampyň 2024-nji ýylda geçiriljek saýlawlarda Birleşen Ştatlaryň prezident wezipesine dalaşgär bolmak üçin arza berendigini görkezýän ilkinji resminama peýda boldy.
ABŞ-nyň prezidenti Jo Baýden hem 9-njy noýabrda 2024-nji ýylda döwlet baştutany wezipesine gaýtadan saýlanmak üçin göreşmegi meýilleşdirýändigini, ýöne diňe indiki ýylyň başynda gutarnykly karara geljekdigini aýtdy.

Türkmenistanyň DIM-i türkmen raýatlarynyň ABŞ-a girmegine bölekleýin gadagançylygyň girizilmegi boýunça aladasyny mälim etdi
10.06.2025 16:32
17k+

Türkmenistanyň DIM-i türkmen raýatlarynyň ABŞ-a girmegine bölekleýin gadagançylygyň girizilmegi boýunça aladasyny mälim etdi

Türkmenistanyň Daşary işler ministrligi raýatlarymyzyň ABŞ-a girmegine bölekleýin gadagançylygyň girizilmegi baradaky habarlaryň peýda bolmagy bilen baglylykda aşa düşünişmezligini hem-de aladasyny mälim etdi. Degişli beýanat Türkmenistanyň DIM-niň metbugat gullugy tarapyndan ýaýradyldy...

NASA we Pentagon SpaceX-iň raketalarydyr kosmos gämilerine oruntutar gözleýär
09.06.2025 13:47
2k+

NASA we Pentagon SpaceX-iň raketalarydyr kosmos gämilerine oruntutar gözleýär

NASA we Pentagon (ABŞ-nyň Goranmak ministrligi) SpaceX bilen bäsleşýän kompaniýalara ýüzlenip, olary öz raketa daşaýjylarynyň we kosmos gämileriniň işlenip taýýarlanyşyny çaltlandyrmaga çagyrdy. Bu ýagdaý SpaceX kompaniýasynyň eýesi Ilon Mask bilen ABŞ-nyň Prezidenti Donald Trampyň arasyndaky düşünişmezlikden soň ýüze çykdy...

Raşid Meredow «Türkmenistan – ABŞ» işewürlik geňeşiniň Ýerine ýetiriji direktoryny kabul etdi
08.06.2025 23:27
4.2k+

Raşid Meredow «Türkmenistan – ABŞ» işewürlik geňeşiniň Ýerine ýetiriji direktoryny kabul etdi

8-nji iýunda Türkmenistanyň daşary işler ministri Raşid Meredow «Türkmenistan – ABŞ» işewürlik geňeşiniň Ýerine ýetiriji direktory Erik Stýuart bilen duşuşyk geçirdi. Türkmenistanyň DIM-niň habar bermegine görä, gepleşikleriň barşynda taraplar iki ýurduň kompaniýalarynyň arasyndaky hyzmatdaşlygyň häzirki ýagdaýy we geljegi barada pikir alyşdylar...

Tramp polada we alýumine salynýan gümrük paçlaryny iki esse ýokarlandyrdy
07.06.2025 11:29
6.3k+

Tramp polada we alýumine salynýan gümrük paçlaryny iki esse ýokarlandyrdy

ABŞ-nyň Prezidenti Donald Tramp polada we alýumine salynýan gümrük paçlaryny 25%-den 50%-e çenli ýokarlandyrmak barada permana gol çekdi. Ol bu karary ýurduň milli howpsuzlygyny üpjün etmek zerurlygy bilen düşündirdi...