Türkmenistanyň Prezidenti Serdar Berdimuhamedow we Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Türkiýe Respublikasynyň Prezidenti Rejep Taýyp Ärdoganyň adyna Stambulda bolup geçen partlamanyň adam pidalaryna, şikes ýetmelere we ejir çekmelere getirendigi zerarly gynanç hatlaryny iberdiler. Bu barada Türkmenistanyň DIM-niň Metbugat gullugy habar berdi.
Stambulyň merkezinde bolup geçen partlama zerarly azyndan, 6 adam aradan çykdy, 80-den gowrak adam ýaralandy. Partlama Stambulyň köp adamly Istiklýal söwda köçesinde bolup geçdi. Türkiýäniň Prokuraturasy partlamanyň sebäbi diýip, häzirlikçe terrorçylykly hadysany hasaplaýar.
