Garyşyk başa-baş söweş sungatynyň irlandiýaly söweşijisi we UFC-niň öňki çempiony Konor Makgregor özüniň Twitter akkauntynda Angliýanyň “Liwerpul” futbol klubyny satyn almak islegi barada aýtdy. 7-nji noýabrda 2010-njy ýyldan bäri “Liwerpula” eýeçilik edýän Fenway Sports Group (FSG) kompaniýasy topary satyn almaga gyzyklanma bildirýän taraplaryň arzalaryna garamaga taýýardygyny we “eger klub hökmünde “Liwerpulyň” bähbidine bolsa, täze maýadarlary” hem göz öňünde tutjakdygyny aýtdy. Bu barada forbes.kz belleýär.
“Uly höwes bilen! Men “Liwerpulyň” satuwy barada maglumat soradym, hawa. Habary eşiden badyma. Nähili waka öwrümi! Nähili klub!” – diýip, Makgregor Twitterde ýazdy.
“Forbesiň” maglumatlaryna görä, “Liwerpulyň” bahasy 4,45 mlrd dollara barabar. “The New York Times-iň” habar bermegi boýunça, 2010-njy ýylda FSG “Liwerpuly” 475 mln dollara satyn aldy. “Liwerpuldan” başga-da, kompaniýa Boston Red Sox beýsbol kompaniýasy, MHL-iň Pittsburgh Penguins hokkeý klubunyň gözegçilik bukjasy we NESN teleulgamy degişlidir.
