Oktýabr aýynda dünýäde işledilýän nebit-gaz buraw desgalarynyň sany alty aýyň jemi boýunça yzygider köpeldi we 2020-nji ýylyň martyndan bäri — iki ýyldanam gowrak wagtyň içinde aňrybaş mukdara ýetdi. Muňa Amerikanyň Baker Hughes nebithyzmat kompaniýasynyň maglumatlary şaýatlyk edýär.
Sentýabr aýyndaky 1853 gurluşyň deregine, geçen aý dünýäde ortaça 1859 gurluş işledi. Şonda oktýabr aýyndaky dereje 2021-nji ýylyň degişli aýyndaky görkezijiden 389-a galdy.
ABŞ-da geçen aý buraw desgalarynyň sany, sentýabr bilen deňeşdirilende, 5 san artdy we 768 boldy. Kanadada olaryň 3-si köpelip, 214-e ýetdi.
Latyn Amerikasynda geçen aý gurluşlaryň 8-si (188-e çenli, 2019-njy ýylyň dekabryndan bäri iň köp), Ýewropada 1-i (107-ä çenli), Afrikada 4-si (84-e çenli), Aziýa-Ýuwaş umman sebitinde 1-i (206-a çenli, 2020-nji ýylyň martyndan bäri iň ýokary görkeziji), Ýakyn Gündogarda 18-si (326-a çenli, 2020-nji ýylyň iýunyndan bäri ep-esli san) artdy.
1944-nji ýyldan bäri Baker Hughes hereket edýän buraw gurluşlary hakyndaky maglumatlary çap edýär. Ilkibaşda kompaniýa diňe ABŞ-daky we Kanadadaky maglumatlary çöpleýärdi, 1975-nji ýyldan bäri welin dünýä ýüzi boýunça maglumatlary toplaýar.
