BMG 2027-nji ýyla çenli, adatdan daşary tebigy hadysalaryň ýaramaz netijelerini biraz ýumşatmak üçin, tebigy betbagtçylyklar hakynda öz wagtynda öňünden duýdurýan ulgamy tutuş dünýäde durmuşa ornaşdyrmagy meýilleşdirýär. Bu barada duşenbe güni BMG-niň baş sekretary Antoniu Guterriş Şarm-eş-Şeýhde klimat konferensiýasynda çykyş edýärkä aýtdy.
"Heläkçilikleriň akymy ilatyň iň bir gowşak goragly, klimat nukdaýnazaryndan gyzgyn nokatly ýerlerde ýaşaýan we öňünden habarly edilmäge hiç guraly bolmadyk böleginiň gapyllykda üstüni basýar " - diýip, Bloomberg agentligi onuň sözlerini getirýär. "Ýetip gelýän howp hakynda 24 sagat öňünden habarly edilmeginiň özüniň ýitgini 30% azaltmaga kömek etjekdigine" - baş sekretar ynanýar.
Guramanyň bu başlangyç üçin 3,1 mlrd puly gönükdirjekdigi bellenýär. Pikir Bütindünýä meteorologik gurama degişli, ol munda "howanyň gyzmagy bilen ýüze çykýan iň çynlakaý netijeleriň bir toparynyň öňüni almagyň beýlekilere garanda arzan hem ýönekeý usulyny" görýär.
