Şu gün paýtagtymyzdaky Söwda-senagat edarasynda «Türkmentel — 2022» atly XV halkara sergisi hem-de ylmy maslahaty öz işine başlady. Bu iri möçberli çärä internet ulanyjylarynyň ýörgünli portaly bolan TmCars hem gatnaşýar.
Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň XV gözden geçirişinde TmCars gyzyklanma bildirýänleri öz hyzmatlary bilen tanyşdyrýar.
TmCars ýurdumyzyň belli awtomobil portaly bolup, eýýäm ençeme ýyldan bäri ulanyjylaryň isleglerini nazara alyp, internet söwdasy, mahabat boýunça hyzmatlary hödürläp gelýär. Mahabatyň, şol bir wagtda telekeçilik işiniň öňe ilerledilmegi üçin oňat mümkinçilikleri döredip berýän TmCars-nyň 1 milliondan geçýän ulanyjylary bar.
Türkmenistanda resmi taýdan bellige alnan TmCars portalynda eýýäm birnäçe ýyldan bäri «Habarlar» bölüminiň hem hereket edýändigi bellärliklidir. Iki dilde — türkmen we rus dillerinde hereket edýän bu bölümde ýurdumyzyň hem-de dünýäniň möhüm täzelikleri, peýdaly maglumatlar berilýär. «Hem täze, hem tiz» şygar bilen hereket edýän TmCars – Habarlar bölüminde islendik okyjy özüni gyzyklandyryp biljek makalalardyr täzelikleri tapyp biler.
Belläp geçsek, TmCars «Türkmentel» sergisine ilkinji gezek gatnaşmaýar. Öň, TmCars 2019-njy ýylyň 27-28-nji noýabrynda Aşgabatda geçirilen «Türkmentel — 2019» atly ХII halkara sergisine hem gatnaşypdy.
