«Formula-1-iň» ýedi gezek çempiony, «Mersedesiň» britaniýaly sürüjisi Lýuis Hemilton Braziliýanyň hormatly raýaty boldy. Bu barada Bloomberg agentligi habar berýär diýip, rsport.ria.ru belleýär.
Ýagny, Hemilton 2021-nji ýylda Braziliýanyň Gran-prisinde ýeňiş gazanandygy üçin şeýle hormata mynasyp boldy. Ýaryş tamamlanandan soň ol üç gezek dünýä çempiony Aýrton Sennanyň tuwulgasyny geýip, elinde Braziliýanyň baýdagy bilen ýoldan geçip gitdi.
“Meniň üçin bu ýerde bolmak we Braziliýanyň hormatly raýaty bolmak uly sylagdyr. Özümi, ahyrsoňy, siziň biriňiz ýaly duýýaryn. Braziliýa gaýdyp gelmek meni hemişe ruhlandyrýar, sebäbi bu ýerde meniň göreşýän gymmatlyklarymyň ugrunda göreşýän adam köp” – diýip, Hemilton Braziliýanyň parlamentiniň aşaky palatasynyň mejlisinde aýtdy.
Hemilton “Mersedesde” 2007-nji ýyldan bäri çykyş edýär, britaniýaly sürüji “Formula-1-de” ýedi çempion titulyna eýe boldy, olaryň soňkusyny 2020-nji ýylda gazandy. Geçen möwsüm Hemilton ikinji boldy, häzirki çempionatda bolsa möwsümiň ahyryna iki tapgyr galanda sürüjileriň sanawynda bäşinji orunda barýar.
