Ýanwar-oktýabr aýlarynda Hytaýa tebigy gazyň importynyň göwrümi ýyllyk hasaplamada 10,4% kemelip, 88,74 mln tonna boldy, nebit bolsa 2,7%, ýagny 413,53 mln tonna çenli kemeldi. Bu barada duşenbe güni HHR-iň Baş gümrük müdirligi habar berdi.
Pudagyň saýtynda çap edilen maglumatlara laýyklykda, agzalan döwür içinde gazyň importy bahada aňladylanda 39,6%, ýagny 55,19 mlrd dollara çenli gymmatlady. Nebitiň importy pul hasabynda 46,6%, 302,67 mlrd dollara çenli galdy.
Mundan başga-da, başky on aýda HHR kömrüň importynyň göwrümini 10,5%, 230 mln tonna çenli kemeltdi. Ýangyjyň bu görnüşiniň importy pulda aňladylanda 37,3%, 34 mlrd dollara çenli artdy.
Oktýabr aýynda Hytaýa daşary ýurtlardan 29,18 mln tonna (3,7 mlrd dollar) kömür geldi. Sentýabr aýy bilen deňeşdirilende pul hasabynda ol 6,8%, agramy boýunça bolsa 11,6% azaldy.
