Beýik Britaniýanyň Hökümeti 2023-nji ýylyň 8-nji maýyny resmi ýagdaýda dynç güni diýip yglan etdi. Şonuň iki gün öňýany, ýagny 6-njy maýda Beýik Britaniýanyň patyşasy Karl III-e täç geýdirmek dessury geçiriler.
The Daily Telegraph gazetiniň ýazyşy ýaly, şeýle karary Birleşen Patyşalygyň premýer-ministri Rişi Sunak kabul etdi diýip, TASS habar berýär.
«Täze monarha täç geýdirmek dessury – ýurdumyz üçin üýtgeşik pursat. Şu taryhy waka hormatyň nyşany hökmünde men indiki ýyl tutuş Birleşen Patyşalyk üçin goşmaça bank dynç alyş gününi yglan edýändigime şat» — diýip, hökümet baştutanynyň beýannamasynda aýdylýar.
Şeýlelik bilen, Angliýanyň, Uelsiň, Şotlandiýanyň we Demirgazyk Irlandiýanyň ilatyna indiki ýylyň maýynda goşmaça iki dynç alyş güni berler. Ýene birini aýyň birine bermek meýilleşdirildi.
