Häzirki zaman şäher elektriki ulagyny işläp taýýarlaýjy we öndüriji - "PK Ulag ulgamy" ("PK TC") kompaniýasy özüniň Engels şäherindäki kärhanasynda çekiji batareýalaryň zarýadyny utgaşdyryp doldurýan tehnologiýaly elektrobusy gurdy. Ulag 62181 "General" diýip atlandyrylýar we "Admiral" trolleýbusynyň modeli bilen unifisirlenendir.
Täze elektrobusyň ilkinji görkezilişi 29-njy noýabrda Moskwada geçer.
"Generalda" trolleýbuslary we elektrobuslary öndürmegiň öňdebaryjy tehnologiýalary birleşendir. Täze ulag, ilkinji nobatda, zarýad bermegiň beýleki elektroulag öndürijiler tarapyndan owal ulanylmadyk täsin çözgüde eýedigi bilen gyzyklydyr. Zarýad bermegiň wariantlary köp. Haýal - rozetkadan, dinamiki - tok kabul edijilerden hem-de çalt (ýa-da ultraçalt) - terminallardan.
Şeýlelikde, täze 62181 "General"-a trolleýbus we tramwaý infrastrukturasyndan, şonuň ýaly-da 380 ýa-da 600 woltluk setiň zarýad stansiýalaryndan zarýad berip bolýar, munuň özi ulag serişdesini şäher gurluşynda eýýäm bar bolan şertlerde ulanmak mümkinçiligini giňeldýär.
62181 "General" tutuş nizkopol ýerine ýetirilen, onuň 37 oturylýan ýeri, giňiş toplaýjy meýdançasynda goşmaça aşakdan ýagtylandyryjysy, üç sany giň gapy ýeri, häzirki zaman multimedia toplumy, mobil gurluşlara zarýad bermek üçin USB-kese deşigi, awtomat ýagdaýda işleýän klimat-kontrol ulgamy bar.
