UPDRIFT YouTube kanaly 1548 at güýji bolan Xiaomi SU7 Ultra elektrik awtoulagyny görkezýän dokuz minutlyk wideony çykardy. Hytaýly ýaryş sürüjisi Ýe Çžiçena tarapyndan dolandyrylýan bu awtoulag “jimhana” stilindäki ýeser tilsimleri ýerine ýetirýär.
Wideoda dürli tilsimler görkezilýär: awtoulag töwerekläp aýlanýar, gapdallygyna sürülýär, ýolgyra we demir germew päsgelçilikleriniň howply golaýjygyndan geçende tekerlerini tüsseledýär. Görnüşleriň birinde iki sany Lincoln limuziny päsgelçilik hökmünde çykyş edýär.
Ýaryşçy sürüji operatorlar bilen bilelikde hili we dinamikasy boýunça awtosportyň höwesjeňler görnüşi bolan, çäkli ýolda ýokary tizlikli hereket etmek görnüşindäki hakyky “jimhanadan” pes bolmadyk wideony döretmegi başardy.
SU7 Ultra üç sany elektrik hereketlendirijisi bilen üpjün edildi, olaryň ikisi yzky okda we birisi öň tarapkyda. Awtoulag bary-ýogy 2 sekuntda noldan 100 km / sag tizlige çykýar.
