Gazagystanda täze hünär baýramy — Sanlylaşdyrmak we maglumat tehnologiýalary işgärleriniň güni döredildi. Bu barada ýurduň Premýer-ministriniň Metbugat gullugyna salgylanyp, tengrinews.kz habar berýär.
Gazagystanda Sanlylaşdyrmak we maglumat tehnologiýalary işgärleriniň güni 10-njy noýabrda belleniler. Degişli Permana ýurduň Premýer-ministri Alihan Smailow gol çekdi.
Şeýle-de her ýylyň 17-nji maýynda bellenilýän Aragatnaşyk we informatizasiýa işgärleriniň gününiň ady üýtgedilip, ol Aragatnaşyk işgärleri güni diýlip atlandyryldy.
Täze hünär baýramyny döretmek teklibi ulgamyň işgärlerini goldamak maksady bilen, Gazagystanyň Sanly ösüş, innowasiýalar we aerokosmos senagaty ministrligi tarapyndan öňe sürüldi. Maglumatlara görä, Gazagystanda sanlylaşdyrmak we maglumat tehnologiýalary ulgamynda işleýänleriň sany eýýäm 155 müňe ýetýär.
