Abdylla patyşa adyndaky Ylmy-tehnologiýa uniwersitetiniň alymlary geljekde Wi-Fi maglumatlaryny simsiz geçirmegiň tehnologiýasynyň alternatiwasy hökmünde ulanyp boljak akylly penjireleri döretdiler. Bu barada New Atlas portaly habar berýär.
Smart-çüýşeler iki elementli suwuk kristal böwetler (DLS) hökmünde-de bellidir. Olar özünden geçýän Gün ýagtylygynyň polýarlylygyny tiz üýtgedip bilýärler we olary uly penjirelerde, meselem, işewürlik merkezlerinde we beýleki ofis binalarynda ulanyp bolýar.
Ýagtylygyň polýarlylygynyň üýtgemegi ikileýin koduň işini imitirlemäge mümkinçilik berýär, şonda şeýle "ýylpyldama" adamyň gözüne ilmeýär. Ýöne smartfonlaryň kameralary şol ýylpyldylary ýeserlik bilen gapýar, şol sebäpli bu tehnologiýa Wi-Fi-yň ornuny tutmakda zor işläp biler.
Akylly çüýşeleriň möhüm artykmaçlygy energiýany az sarp edýänligidir - Wi-Fi-routerlerdäki 5-20 wattyň deregine bir watt. Emma olaryň göze dürtülip duran bir ýetmezçiligi bar - gije, Günüň ýagtylygynyň ýok mahaly olar derde ýaramsyz.
