Germaniýanyň Bayerische Motoren Werke AG awtoöndürijisi awtomobil satuwynyň birneme peselmeginiň öwezini dolmaga mümkinçilik beren üstünlikli baha syýasaty netijesinde üçünji çärýekde arassa girdejisini we girdejisini ýokarlandyrdy. Bu barada kompaniýanyň metbugat relizine salgylanyp, interfax.ru habar berýär.
Iýul – sentýabr aýlarynda onuň arassa girdejisi geçen ýylyň degişli döwründäki 2,58 mlrd ýewro ýa-da paý üçin 3,89 ýewro bilen deňeşdirilende, 3,18 mlrd ýewro ýa-da paý üçin 4,25 ýewro boldy.
Salgyt we göterim töleglerinden öň gazanylan düşewünt (EBIT) 2,88 mlrd ýewrodan 3,68 mlrd ýewro çenli ýokarlandy. Çärýek girdeji 35,2% ýokarlanyp, 37,18 mlrd ýewro ýetdi. BMW, MINI we Rolls Royce awtomobilleriniň global satuwy ýyllyk aňlatmasynda 0,9% azalyp, 587 744 birlige barabar boldy.
Motosiklleriň satuwy 5,7% - 51 778 birlige çenli ýokarlandy. Iýul – sentýabr aýlarynda awtomobil önümçiligi 14,5% ýokarlanyp, 613 047 awtomobil boldy.
Kompaniýa 2022-nji ýylda global awtoulag bazarynyň 4%, amerikan we Ýewropa bazarynyň 6%, ýapon bazarynyň 7% peselmegine garaşýar. Hytaýda awtomobil satuwynyň 2%, Günorta Koreýada 1% ýokarlanmagyna garaşylýar.
Ýylyň başyndan bäri BMW-niň bazar bahasy 12%, 52,82 mlrd ýewro çenli peseldi.
