Bayerische Motoren Werke AG ikinji çärýekde girdejisini 7% ýokarlandyrdy. Kompaniýanyň metbugat relizinde aýdylyşy ýaly, geçen çärýek onuň girdejisi geçen ýylyň degişli döwründäki 34,77 mlrd ýewro bilen deňeşdirilende, 37,22 mlrd ýewro boldy. BMW-niň çärýekdäki arassa girdejisi 2,9% - 3,05 mlrd ýewrodan 2,96 mlrd ýewro çenli azaldy. EBIT 26,8%, 4,34 mlrd ýewro çenli azaldy. Bu barada interfax.ru habar berýär.
Geçen çärýek BMW, MINI we Rolls-Royce awtomobilleriniň satuwy 626,7 müň birlik boldy, bu bolsa geçen ýylyň ikinji çärýegindäki derejeden 11,3% ýokarydyr. Elektromobil satuwy 2,2 esse ýokarlanyp, 88 289 birlik boldy, olaryň umumy satuwdaky paýy bolsa bir ýyl ozalky 7,2%-den 14,1%-e çenli artdy. BMW motosiklleriniň satuwy 8% - 64,94 müňe çenli ýokarlandy.
Ikinji çärýekde awtomobil segmentinde EBIT maržasy bir ýyl ozalky 8,2%-e garşy 9,2% boldy. Öň, kompaniýa 2023-nji ýyl üçin bu görkeziji boýunça çaklamasyny 8-10%-den 9-10,5%-e çenli ýokarlandyrdy.
BMW häzirki 2 mlrd ýewro göwrümli paýnamalary yzyna satyn almak programmasyny 2025-nji ýylyň 31-nji dekabryndan gijä galman tamamlamagy göz öňünde tutýar.
