Toyota II maliýe çärýeginde arassa girdejisini 31% azaltdy

  • 04.11.2022 12:22
  • 9621
Toyota II maliýe çärýeginde arassa girdejisini 31% azaltdy

Ýaponiýanyň Toyota Motor awtoöndürijisi häzirki maliýe ýylynyň ikinji çärýeginde arassa girdejisini 31% azaltdy, bu bazar çaklamalaryndan hem ýaramazdyr diýip, interfax.ru habar berýär.

Şol bir wagtyň özünde kompaniýa girdejisini 22% ýokarlandyryp, tutuş maliýe ýyly üçin çaklamasyny gowulandyrdy.
30-njy sentýabrda tamamlanan maliýe çärýeginde arassa girdeji bir ýyl ozalky 626,65 mlrd ýena bilen deňeşdirilende, 434,26 mlrd ýena ($2,92 mlrd) boldy. Hünärmenler ortaça bu görkezijiniň 712,38 mlrd ýena derejesinde bolmagyna garaşypdylar.
Kompaniýanyň çärýek girdejisi 9,218 trln ýena ýetdi. Operasion girdeji 25%, 562,789 mlrd ýena çenli peseldi. Toyota awtomobilleriniň satuwy geçen çärýek bir ýyl ozalky 2,51 mln awtomobilden 2,63 mln awtomobile çenli ýokarlandy. Kompaniýanyň habarynda ýarym geçirijileriň ýetmezçiliginiň önümçilige ýaramaz täsir edendigi we girdejiniň azalmagynyň materiallaryň bahasynyň ýokarlanmagy bilen baglanyşyklydygy aýdylýar.
Toyota häzirki maliýe ýylynda arassa girdejiniň 17%, 2,36 trln ýena çenli azalmagyna garaşýar. Kompaniýa girdejiniň ösüşi baradaky çaklamasyny ýokarlandyrdy we indi görkezijiniň 15%, 36 trln ýena çenli ýokarlanmagyna garaşýar. Bu döwürde kompaniýa henizem 10,7 mln awtomobil satmagy göz öňünde tutýar.
Toyota-nyň paýnamalary sişenbe güni söwdada 1,9% arzanlady. Ýylyň başyndan bäri kompaniýanyň bazar kapitallaşdyrmasy 4,1%, 28,12 trln ýena çenli peseldi.


düýn 09:51
10285

Toyota üçülenji ýyl bäri dünýäde iň köp awtoulag satan korporasiýadyr

Korporasiýanyň hasabatyna görä, Toyota 2022-nji ýylda 10,48 million awtoulag satdy. Bu bir ýyl ozalkydan 0,1% azdyr. Şeýle-de bolsa, Ýaponiýanyň bu konserni indi  üçülenji ýyldyr dünýäde №1 awtoulag öndüriji adyny...

27.01.2023 01:44
18422

Akio Toýoda Toyota-yň prezidenti wezipesinden aýrylýar

2009-njy ýyldan bäri Ýaponiýanyň iň iri awtoulag öndürijisi Toyota Motor-a ýolbaşçylyk eden Akio Toýoda kompaniýanyň prezidenti wezipesinden aýrylar. Bu barada penşenbe güni kompaniýanyň metbugat gullugy habar...

21.01.2023 17:17
38863

Dünýäniň iň gymmat awtoulag brendiniň ady aýdyldy

Brand Finans konsalting kompaniýasy dünýädäki iň gymmat 500 brendi öz içine alýan nobatdaky Brand Finans Global 500 sanawyny neşir etdi. Bu ýyl Tesla markasy awtoulag pudagynda birinji ýeri eýeledi, bir ýyl ozal...

19.01.2023 08:08
14060

Toyota 2023-nji ýylda 10,6 milliona çenli awtoulag öndürmegi meýilleşdirýär

Ýaponiýanyň Toyota Motor konserni 2023-nji ýylda 10,6 million awtoulag öndürip biler diýip, kompaniýanyň habarynda aýdylýar. Şeýlelik bilen, görkezijiniň 2019-njy ýyldaky rekord  9,1 million ulag derejesinden ýokary...