Toyota şu ýyl ulag öndürmek boýunça öz öňde goýan meýilnamasyny amal edip bilmezliginiň mümkindigini üpjün edijilerine duýdurdy. Bu barada kompaniýanyň içindäki çeşmelere salgylanýan Reýter agentligi ýazýar.
Olaryň sözlerine görä, 2023-nji ýylyň martynda tamamlanjak maliýe ýylynyň aýagyna çenli öňde goýlan maksadyň görkezijisi indi 9,5 mln awtoulag bolup durýar, ilkibaşky meýilleşdirileni bolsa 9,7 mln ulagdy.
Grafikden gijä galynmagynyň sebäbi, ozalkysy ýaly, başy pandemiýa döwründen başlanan elektron bölekleriň gytçylygy bilen baglydyr. Mundan hem başga, öňde goýlan maksadyň görkezijisi elektrotehniki poladyň üpjünçiligindäki bökdençlikler sebäpli hem ýene peselip biler. Toyota ony Günorta Koreýanyň üstümizdäki ýylyň sentýabr aýynda taýfun sebäpli zyýan çeken POSCO kompaniýasynyň zawodyndan satyn alýar. Ýöne barybir jemleýji netijeler geçen ýylyň görkezijilerinden ýokary bolmaly: 2022-nji ýylyň mart aýynda tamamlanan maliýe ýylynda Toyota 8,6 mln ulag goýberdi.
