Bloomberg dünýäniň iň baý maşgalalarynyň ýyllyk reýtingini düzdi. Sanawda Uoltonlaryň maşgalasy bassyr dördünji ýyl birinji orny eýeledi. Dünýädäki iň uly lomaý we bölek söwda ulgamy bolan Walmart bu maşgala degişlidir. Agentlik maşgalanyň baýlygyny 224,5 mlrd dollar bilen bahalandyrdy, bir ýylda ol 13,7 mlrd dollar azaldy.
Walmart 1962-nji ýylda ýylda Sem Uolton tarapyndan esaslandyryldy. Häzir tutuş dünýä boýunça dükanlaryň sany 10,5 müňden geçýär. Kompaniýanyň girdejisi 573 mlrd dollara barabar. Uoltonyň maşgalasy ulgamyň paýnamalarynyň 47%-ine eýeçilik edýär.
Iň baý maşgalalaryň onlugyna aşakdakylar hem girdi:
- - Mars konditer önümlerini öndürijiniň eýesi bolan Mars maşgalasy - $160 mlrd (bir ýylda +$18 mlrd);
- - Koch Industries nebithimiýa korporasiýasynyň eýesi bolan Koh Maşgalasy – $124,4 mlrd (+$4,4 mlrd);
- - Saud şa maşgalasy Al Saud - $105 mlrd (+$5 mlrd);
- - Hermes fransuz moda öýüniň eýesi bolan Erme maşgalasy - $94,6 mlrd (-$17 mlrd);
- - Reliance Industries nebiti öndürmek we gaýtadan işlemek boýunça holdingiň eýesi Ambani maşgalasy - $84,6 mlrd (-$9,1 mlrd);
- - Chanel moda öýüniň eýesi bolan Werthaýmer maşgalasy - $79 mlrd (+$17,2 mlrd);
- - Cargill oba hojalyk kompaniýasynyň eýesi bolan Kargill maşgalasy - $65,2 mlrd;
- - Reuters habarlar agentliginiň gözegçilik bukjasyna eýe bolan Tompson maşgalasy - $61,2 mlrd;
- - Roche Holding farmasewtik kompaniýasynyň minoritar eýesi bolan Hoffman maşgalasy - $45,1 mlrd.
Reýtinge jemi 25 maşgala girdi. Agentligiň maglumatlaryna görä, dünýäniň iň baý 25 maşgalasynyň umumy baýlygy 1,5 trln dollara barabar bolup, bu bir ýyl ozalkydan $143 mlrd azdyr. Şol bir wagtyň özünde, agentlik Rokfellerler ýaly käbir aşa baý adamlaryň baýlygynyň hasaba alynmaýandygyny, sebäbi olaryň aktiwlerini “yzarlamagyň örän kyndygyny” belleýär.
