1-nji noýabrda günüň ikinji ýarymynda Russiýa Federasiýasynyň Federal Ýygnagynyň Federasiýa Geňeşinde Türkmenistanyň Milli Geňeşiniň Halk Maslahatynyň we Russiýa Federasiýasynyň Federal Ýygnagynyň Federasiýa Geňeşiniň arasynda Türkmenistanyň Milli Geňeşiniň Halk Maslahatynyň we Russiýa Federasiýasynyň Federal Ýygnagynyň Federasiýa Geňeşiniň Parlamentara toparyny döretmek hakyndaky Ylalaşyga gol çekmek dabarasy boldy. Bu resminama Türkmenistanyň Halk Maslahatynyň Başlygy we Russiýa Federasiýasynyň Parlamentiniň ýokarky palatasynyň Başlygy gol çekdiler. Bu barada RF-niň Federasiýa Geňeşiniň saýty habar berýär.
Federasiýa Geňeşiniň Başlygy toparyň milli düzümlerini düzmäge başlamak, birinji mejlisi geçirmegiň möhletleri, onuň barşynda düzgünnamany we toparyň işiniň ýyllyk meýilnamasyny düzmek hakynda tabşyryklary berdi. Matwiýenko Toparyň birinji mejlisini Moskwada we Astrahanda geçirmegi teklip etdi.
Soňra Türkmenistanyň Milli Geňeşiniň Halk Maslahatynyň Başlygy hem-de Russiýa Federasiýasynyň Federal Ýygnagynyň Federasiýa Geňeşiniň Başlygy köpçülikleýin habar beriş serişdeleriniň wekillerine ýüzlenme bilen çykyş etdiler.
Gurbanguly Berdimuhamedowyň hormatyna Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenkonyň adyndan resmi agşamlyk nahary berildi. Onda medeniýet we sungat ussatlary çykyş etdiler.
