Braziliýanyň öňki prezidenti Luis Inasiu Lula da Silwa döwlet baştutanynyň saýlawlarynda ýeňiş gazandy, muňa saýlaw iş toparynyň brazil HBS-i tarapyndan çap edilen maglumatlary şaýatlyk edýär.
Býulletenleriň 99%-den gowragynyň işlenmegi netijesinde Lula da Silwanyň sesleriň 50,85%-ni alandygy mälim boldy. Häzirki prezident Žair Bolsonaru sesleriň 49,15%-ni aldy. Indi, HBS-niň belleýşi ýaly, Bolsonarunyň bäsdeşinden öňe geçmek mümkinçiligi ýok.
Şunlukda, Lula da Silwa öz syýasy karýerasynda eýýäm üçünji gezek prezident saýlawynda ýeňiş gazanýar. Ýekşenbe güni saýlawlaryň üçünji tapgyry geçdi. Onuň öň ýany geçirilen pikir soraşmalar saýlawlarda hut çepçileriň oppozisiýasyndan Lula da Silwanyň ýeňmelidigini görkezdi. Bolsonaru bolsa sagçy syýasy güýçleriň wekili.
2-nji oktýabrda geçen birinji tapgyryň netijeleri boýunça braziliýalylar sesleriň 43,2%-ni ýurduň häzirki prezidenti Bolsonaruwa we 48,4%-ni bolsa 2000-nji ýyllaryň başynda we ortalarynda sosial-ykdysady özgertmeleri bilen braziliýalylaryň ýadynda galan Lula da Silwa berdiler.
