29-njy oktýabr Halk Maslahatynyň Diwanynda Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň ýolbaşçylygynda milli parlamentiň häzirki döwürde ýerine ýetirýän işleriniň netijelerine, ýurdumyzyň daşary syýasatyna we parlamentara gatnaşyklaryny ösdürmek boýunça öňde durýan meselelere bagyşlanan mejlis geçirildi
Mejlise Milli Geňeşiň Halk Maslahatynyň hem-de Mejlisiň ýolbaşçylary we agzalary, şeýle hem mejlise çagyrylan beýleki ýolbaşçylar gatnaşdylar.
Mejlisiň dowamynda Ministrler Kabinetiniň Başlygynyň orunbasary, daşary işler ministri R.Meredow, Milli Geňeşiň Mejlisiniň Başlygy G.Mämmedowa, Milli Geňeşiň Halk Maslahatynyň Halkara meseleleri baradaky komitetiniň başlygy çykyş edip, häzirki döwürde milli parlamentiň alyp barýan işiniň hil taýdan täze derejä çykandygyny bellediler. Şunda parlamentara gatnaşyklaryny ösdürmek, kanunçykaryjylyk işini döwrebap derejede kämilleşdirmek we parlament ulgamynda ösen halkara tejribesini öwrenmek meselelerine möhüm ähmiýet berilýär.
Birleşen Milletler Guramasy hem-de onuň ýöriteleşdirilen düzümleri bilen hyzmatdaşlyk gatnaşyklarynyň ösdürilmeginiň ýurdumyzyň daşary syýasat strategiýasynyň möhüm ugurlarynyň biri hökmünde kesgitlenendigi bellenilip, bu ugurda halkara gatnaşyklarynyň we diplomatiýanyň dünýä taryhynda nusgalyk tejribesiniň toplanylandygy nygtaldy.
