2022-nji ýylyň III çärýeginde Meta Platforms arassa girdejisini iki esse azaltdy. Iýul – sentýabr aýlarynda onuň arassa girdejisi bir ýyl ozalky 9,19 mlrd dollar ýa-da paý üçin 3,22 dollar bilen deňeşdirilende, 4,39 mlrd dollar ýa-da paý üçin 1,64 dollar boldy. Bu barada Interfax.ru habar berýär.
Kompaniýanyň çärýek girdejisi bir ýyl ozalky 29,01 mlrd dollar bilen deňeşdirilende, 27,71 mlrd dollara çenli peseldi. Şu çärýek bolsa girdejiniň 30-32,5 mlrd dollar bolmagyna garaşylýar.
Iýul – sentýabr aýlarynda mahabat girdejileri bir ýyl ozalky 28,28 mlrd dollardan 27,24 mlrd dollara çenli azaldy.
Facebook sosial ulgamynyň gündelik işjeň ulanyjylarynyň sany ýylyň dowamynda 3% ýokarlanyp, sentýabryň ahyrynda 1,98 mlrd adama ýetdi. Sosial ulgamdan, iň bolmanda, aýda bir geek 2,96 mlrd adam peýdalanýar, bu bolsa bir ýyl ozalkydan 2% köpdür.
Geçen çärýek Meta 6,55 mlrd dollara öz paýnamalaryny satyn aldy. 2022-nji ýylyň başyndan bäri kompaniýanyň kapitallaşdyrmasy 61,4%, 369,6 mlrd dollara çenli peseldi.
