Ýaponiýa bilen gatnaşyklara we Expo bütindünýä sergilerine gatnaşmaga uly ähmiýet berýän Azerbaýjan Osaka, Kansai Expo 2025 sergisine gatnaşmak barada şertnama gol çeken ilkinji ýurt boldy.
Trend-iň habar bermegine görä, sergä görülýän taýýarlyk işleriniň çäginde geçirilen meýilnamalaşdyryş boýunça birinji halkara duşuşygynyň dowamynda Osaka, Kansai Expo 2025-iň Azerbaýjan boýunça baş komissary Anar Alakbarow, Expo 2025-iň baş sekretary Hiroýuki Isige we Expo 2025-iň baş komissary Kodzi Haneda şertnama gol çekdi. Bu çärä Azerbaýjanyň Ýaponiýadaky adatdan daşary we doly ygtyýarly ilçisi Gýursel Ismailzade hem gatnaşdy.
25-26-njy oktýabrda sergä taýýarlyk işleriniň çäginde geçirilýän meýilnamalaşdyryş boýunça halkara duşuşygynda 100-den gowrak ýurt wekilçilik edýär. Duşuşykda Expo 2025 sergisi üçin pawilýonlaryň gurluşygy barada maglumatlar berildi.
Bütindünýä sergisi 2025-nji ýylyň 13-nji aprelinden 13-nji oktýabry aralygynda Ýaponiýanyň Osaka şäherinde “Design Future Society for Our Lives” (“Biziň durmuşymyz üçin geljekki jemgyýeti taslamalaşdyrmak”) mowzugy bilen geçiriler.
