Gazagystanyň Prezidenti Kasym-Žomart Tokaýew döwlet sapary bilen bu ýurda gelen Türkmenistanyň Prezidenti Serdar Berdimuhamedow bilen gepleşikleri geçirdi diýip, akorda.kz habar berýär.
Gepleşikleriň barşynda Kasym-Žomart Tokaýew Serdar Berdimuhamedow bilen gazak-türkmen hyzmatdaşlygynyň ösüşiniň geljegini ara alyp maslahatlaşdylar. Söwda-ykdysady hyzmatdaşlygy, şol sanda energetika, ulag we logistika, senagat we oba hojalygy ulgamlaryny ösdürmeklige aýratyn üns berildi.
Serdar Berdimuhamedow Tokaýewe çakylygy hem-de gazak topragynda mähirli garşy alandygy üçin tüýs ýürekden sagbolsun aýtdy.
Gazagystanyň Prezidenti öz gezeginde Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowa mähirli salamlaryny ugratdy.
