Gazagystanyň Prezidentiniň ýolbaşçylyk etmeginde Astanada GDA agza döwletleriň Baştutanlarynyň Geňeşiniň giňişleýin düzümdäki mejlisi geçirildi.
Sammitiň işine şeýle hem Türkmenistanyň Prezidenti Serdar Berdimuhamedow, Azerbaýjanyň Prezidenti Ilham aliýew, Ermenistanyň Premýer-ministri Nikol Paşinýan, Belarus döwletiniň Prezidenti Aleksandr Lukaşenko, Gyrgyzystanyň Prezidenti Sadyr Japarow, Russiýa Federasiýasynyň Prezidenti Wladimir Putin, Täjigistanyň Prezidenti Emomali Rahmon, Özbegistanyň Prezidenti Şawkat Mirziýoýew, şeýle hem GDA-nyň Ýerine ýetiriji geňeşiniň Başlygy Sergeý Lebedew we RF-niň Federal Ýygnagynyň Federal Geňeşiniň Başlygy Walentina Matwiýenko gatnaşdy.
Gazagystanyň Prezidentiniň bellemegine görä, bu günki çäre COVID-19 pandemiýasyndan soň, ýüzbe-ýüz görnüşde geçirilýän GDA-nyň ilkinji doly derejeli sammiti boldy.
Döwlet Baştutanlary gönüden-göni resminamalara gol çekmek dabarasyna geçmegi ylalaşdylar.
Mejlisiň jemini jemläp, Kasym-Žomart Tokaýew sammitiň örän netijeli geçendigini belledi.
Giňişleýin düzümde geçen mejlisde şeýle hem Sergeý Lebedew we Walentina Matwiýenko çykyş etdi.
