Beýik Britaniýanyň patyşasy Karl III-ä täç geýdirmek dabarasy indiki ýylyň 6-njy maýynda geçer diýip, sişenbe güni Bukingem köşgi habar berdi.
«Bukingem köşgi Onuň Alyhezretleri Patyşanyň täç geýdiriliş dabarasynyň 2023-nji ýylyň 6-njy maýynda geçjekdigini şatlyk bilen mälim edýär» — diýip, patyşa rezidensiýasynyň beýannamasynda aýdylýar.
Dabarany Westminster abbatlygynyň arhiýepiskopy Kenterberiýskiý geçirer.
Karl III bilen birlikde şa zenany-konsort Kamilla hem täç geýdiriler.
Şa zenany Ýelizaweta II 8-nji sentýabrda şotland köşgi Balmoralda 96 ýaşynyň içinde dünýäsini täzeläpdi. Tagt mirasdüşerliginiň geňeşi 10-njy sentýabrda onuň ogluny Beýik Britaniýanyň Birleşen Patyşalygynyň we Demirgazyk Irlandiýanyň täze monarhy Karl III diýip yglan etdi.
