Amerikanyň Micron Technology kompaniýasy Birleşen Ştatlaryň çäginde mikroçipleri öndürjek iň iri zawodyň gurluşygyna 20 ýylyň dowamynda 100 mlrd dollara çenli maýa goýmagy meýilleşdirýär.
20 mlrd dollar möçberinde maýa goýmagyň birinji tapgyry şu onýyllygyň ahyryna çenli amal ediler diýip, Micron-yň habarynda aýdylýar.
Nýu-Ýork ştatynyň Kleý şäherindäki zawod sebitde 50 müň sany täze iş ornuny döreder, şol sanda zawodyň özünde 9 müň iş orny açylar. Onuň kuwwaty elektrik energiýasynyň dikeldilýän çeşmelerinden alynýan ýangyç bilen 100% üpjün ediler.
Nýu-Ýorkuň ýolbaşçylary, garaşylyşy ýaly, 5,5 mlrd dollar möçberinde dürli höweslendiriji çareleri kompaniýanyň ygtyýaryna bererler.
Micron-yň paýnamalary sişenbe günki söwdalaşyklaryň başynda birden 4,5% gymmatlady. Ýylyň başyndan bäri kompaniýanyň kapitalizasiýasy 42%, 57 mlrd dollara çenli düşüpdi, şonda S&P 500 indeks hökmünde şol döwür içinde 20,7%-ni ýitirdi.
