Türkmenistanyň Prezidenti Serdar Berdimuhamedow 15-nji oktýabrda Astana döwlet saparyny amala aşyrar. Bu barada anna güni Gazagystanyň Prezidentiniň Metbugat gullugyna salgylanyp RIA Nowosti agentligi habar berýär.
TmCars.info ýakynda wideoaragatnaşyk ulgamy arkaly Türkmenistanyň hem-de Gazagystan Respublikasynyň Daşary işler ministrlikleriniň arasynda syýasy geňeşmeler geçirilendigini, onuň barşynda Türkmenistanyň Prezidenti Serdar Berdimuhamedowyň Gazagystan Respublikasyna boljak döwlet sapary bilen bagly meseleleriň ara alnyp maslahatlaşylandygyny habar berdi.
«On bäşinji oktýabrda Türkmenistanyň Prezidenti Serdar Berdimuhamedowyň Gazagystana döwlet sapary bolar» - diýlip, gazak Lideriniň Metbugat gullugynda habar berdiler.
