ABŞ-nyň birinji hanymy Melaniýa Tramp Ak tamda geçirilen «Geljegi bilelikde ilerledýäris» atly global koalisiýanyň sammitine Figure Three atly gumanoid robot bilen tirkeşip bardy. Bu barada The Independent neşiri habar berýär.
Robot köpçüligiň öňünde: «Meni Ak tama çagyrandygy üçin birinji hanym Melaniýa Trampa minnetdarlyk bildirýärin» diýip, söz sözledi.
Birnäçe wagt mundan ozal Melaniýa Tramp talyplary we mugallymlary dürli meseleleri çözmekde döwrebap tehnologiýalary ulanmaga höweslendirmek maksatly geçirilýän emeli aň boýunça milli bäsleşige badalga beripdi. Ol şonda: «Bir wagtlar Amerikanyň asmana uçmakda dünýä öňbaşçylyk edişi ýaly, biz ýene-de öňdebaryjy orunlary eýelemäge taýýardyrys. Ýöne bu gezek emeli aň eýýamynda» diýip belläpdi.
Bu bäsleşik ABŞ-nyň prezidenti Donald Trampyň ýaşlaryň arasynda emeli aň boýunça bilimi ösdürmäge gönükdirilen permanyna laýyklykda geçirilýär.
