Singapuryň Menlo Research kompaniýasy açyk kodly adampisint roboty el bilen gurnamak üçin niýetlenen «Asimov» atly täze toplumy tanyşdyrdy. Tehnologik toplumyň bahasy takmynan 15 müň dollara barabar.
Bu taslama adaty ulanyjylar üçin taýýar önüm däl-de, eýsem robototehnika muşdaklary, inženerler we ylmy barlagçylar üçin niýetlenen ýörite synag platformasydyr.
Ýygnalyp taýýar edilen robotyň boýy takmynan 1,2 metr, agramy 35 kilogram töweregi bolýar. Gurluşyň 25-den gowrak çylşyrymly bogunlary bar. Ol modully we simulýasiýa gurşawynda programmalap bolýan ulgam esasynda işlenip düzülen. Toplum alyjylara sökülen görnüşde gowşurylýar. Toplumyň içinde ony nädip gurmalydygy barada giňişleýin gollanmalar we inženerler üçin ýörite öwrediji wideoşekiller bar.
Kompaniýa bu robotyň üsti bilen hünärmenleriň öz emeli aň algoritmlerini we hereket programmalaryny has aňsat barlap biljekdiklerini belleýär.
