Awstraliýanyň Karnarwon şäheriniň golaýynda tozanly tupan sebäpli asman gyzyl reňke boýaldy. Bu barada "Fox Weather" neşiri habar berýär.
Bu tebigy hadysa 27-nji martda Günbatar Awstraliýanyň Akulalar aýlagy sebitinde "Narell" tropiki harasatynyň golaýlaşmagy bilen hasaba alyndy. Munuň esasy sebäbi — düzüminde demir oksidi bolan tozany asmana göterýän güýçli şemallardyr. Bu ýagdaý ýurduň gurak sebitleri üçin mahsus ýagdaýdyr.
Internet "Shark Bay Caravan Park" syýahatçylyk kemping-parky tarapyndan paýlaşylan wideo giňden ýaýrady.
"Daşary diýseň gorkunç. Hemme ýer tozana gaplanan. Şemal häzirlikçe pes. Bu tozanlary ýuwup gider ýaly ýagyşlar ýeterlik bolar diýip tama edýäris. Şu gün biziň üçin, şübhesiz, dynç güni bolar" diýip, seýilgähiň işgärleri ýazdylar.
