Citroen kompaniýasy brendiň täze logotipi we şereket stili bilen tanyşdyrdy. Täze logotip ilkinji gezek sentýabryň ahyrynda hödürlenjek konsept-karda peýda bolar.
Motor.ru awtoulag resursynyň ýazyşy ýaly, täze logotip, aslyýetinde, 1919-njy ýylyň özboluşly nusgasyna gaýtalanmasydyr. Onuň esasynda taryhy «goşa şewrony» — iki sany egri zolak galdyrylyp, soň ýene süýnmegiň içine salnyp sazlaşdyryldy.
1959-njy ýylda zolaklar süýnmekden çykaryldy, 1985-nji ýylda bolsa ýene bu görnüşden ýüz öwrüldi. Mundan hem başga, süýnmegiň astynda brendiň ady ýazylan ýazgy ýerleşdirilen, ol ilkinji gezek nyşana 1966-njy ýylda goşuldy. Logotip bilen birlikde ilkinji gezek täze slogan hem görkezildi: «Bizi Citroen kimin hiç zat herekete getirip bilmez».
Citroen kompaniýasy eýýäm 2030-njy ýylda Ýewropada benzin bilen işleýän motorlardan doly ýüz öwürmegi meýilleşdirýär. 2023-nji ýylyň güýzünde satuwda elektriki Citroen C3 peýda bolar, soň e-C3 Aircross krossoweri görkeziler, 2025-nji ýylda bolsa ýene bir krossower — e-C5 Aircross bilen tanyşdyrmak meýilleşdirilýär. Şular bilen birlikde kommersiýa tehnikasy hem elektrige geçip başlar, e-Berlingo olaryň ilkinjisi bolar.
