26-njy sentýabrdan başlap Gonkongda daşary ýurtly syýahatçylar üçin sebite geleniňde myhmanhanada hökmany karantinden geçmek talaby ýatyrylar. Bu barada ýörite administratiw sebitiň baştutany Jon Li aýtdy diýip, interfax.ru habar berýär. Karantin talaby iki ýyl bäri hereket edýär.
South China Morning Post-yň ýazmagyna görä, indi islendik myhmanhana ýerleşen syýahatçylara diňe üç gün lukmançylyk gözegçiliginde bolmak ýeterlikdir, olar myhmanhanadan çykyp hem bilýärler.
Bloomberg karantiniň ýatyrylmagynyň COVID-19 hadysasynyň gündelik sanynyň azalmagy bilen baglanyşyklydygyny belleýär. Ýagny, günde ýüze çykarylýan hadysalaryň sany 6 müňden az, sentýabr aýynyň başynda bu görkeziji 10 müňden geçýärdi.
Awgust aýynda Gonkongyň häkimiýetleri 10 günlük karantini üç günlük karantini we dört gün lukmançylyk gözegçiligini göz öňünde tutýan 3+4 formatyna çenli gysgaltdylar. COVID-19 üçin otrisatel barlaglary bolan syýahatçylar bu dört günüň dowamynda şäherde hereket edip bilýärdiler, ýöne birnäçe çäklendirmeler bardy. 26-njy sentýabrdan 0+3 formaty girizilýär.
